Tholwana Tsa Tokoloho

Tholwana Tsa Tokoloho is an anthology of Sesotho short stories which carries humour, education, political consciousness and love.This is a book that interrogates the whereabouts of the fruits of our freedom from different angles. More

Ba se kotsometse sefate sa tholwana tsa tokoloho ba bohlale ba botjhabela. Ba hlwelletse hodimodimo moo ba kgolang perekisi tse lero le dutlisang mathe. Ba ja monakaladi wa kebolelwa. Ba lebetse ho ebolela matshweletshwele tlase sefateng. A kgakeditse. A ahlame. A ntse a phaphatha. A swabile. A halefile. A bitswa mekopakopa kajeno ha a lwanela ditshepiso tseo a di etseditsweng maobane.

Hobaneng ba sa tsohe ba iketsetse? Ba tsohile. Ba fupere dilepe. Ba ratha sefate. Haufinyana se tla putlama, mme ditholwana tsa teng di ba lekane bohle.

Ke e mong wa bona le yena. Empa yena ha a sa lwana. Ha a sa tshepa. Ha a sa phela. O palehong. Mohale ya tswileng maroleng o kgutletse maroleng, mme o fetohile letlakala.